莆田 (美麗華廣場2期) (已結業)

莆田系香港有好多间分店,今日就同朋友一齐试下美丽华呢间啦, 而家莆田做紧莆田海蛎节,其实都几抵$188可以系佢个海蛎餐牌入面六选二,咁我地净系拣左一个福建特色海蛎煎, 另外我地仲叫左酥炒芋芯, 兴化炒米粉,自制豆腐,砂锅鱼汤同黄金荷叶包。福建特色海蛎煎其实同我地食开既蚝饼系好似,但佢就无咁多油,唔系松化,而系好似煎蛋咁比较干身,我就钟意呢一款多啲,因为无咁油,唔会咁腻。酥炒芋芯真系好好食,外层酥脆,有少少甜味,而入面既芋头系好粉,但又唔会干,一唔小心就会系咁食,兴化炒米粉系我每次去都会食既,因为佢好多料,而且米粉系好幼身,食落口系好绵,但又唔会太干,又唔会一饼野咁,真系好好食,如果米粉再多啲就好啦,自制豆腐就普普通通既豆腐,酱好香,豆腐都滑,砂锅鱼汤系奶白色既汤而且仲有煎过既鱼系入面,汤都鲜甜,四个人每人都最少饮到两碗,黄金荷叶包就系用好似炸馒头既包夹肉丝炒洋葱,由于系最后先黎,我地又食到好饱,大家都食净左啲,但总括黎讲个黄金包都好食既。