湄南.河泰式船麵 (已結業)

约咗朋友系荃湾聚旧，拣咗千色汇入面嘅泰国餐厅，餐厅装潢朴实，食物好味而且份量十足，价钱十分亲民。餐牌选择多多，而最抢眼一定系船面。船面有大船面同细船面（三碗唔同汤底）选择，第一次食船面嘅我比较贪心想试多几款汤底，所以拣咗细船面。船面汤系米粉配猪颈肉，牛汤底鲜甜有层次，有浓郁葱蒜香同淡淡金不换味，猪颈肉有焦香味，肉质爽弹。冬阴功汤系金边粉配牛肉片，冬阴功汤酸辣适中，好有泰国风味。麻辣汤系配河粉鸭血，鸭血够滑溜，而且麻辣汤都好出色，闻落好香麻味但食落麻同辣都好适中，唔会抢喉。木瓜沙律套餐加配小食或沙律只需22蚊，啱晒眼阔肚窄嘅食客。沙律唔会太辣，酸酸甜甜好开胃。海南鸡捞金边粉捞金边粉都系第一次见，味道偏酸甜，有轻微蒜味，金边粉湿湿哋但唔会太淋，海南鸡肉质滑溜。无骨凤爪套餐加配嘅无骨凤爪，无骨凤爪爽脆，酸酸辣辣好开胃。小食拼盘鸡枣外皮香脆，馅料juicy弹牙。春卷粉皮香脆，馅料口感丰富，有淡淡咖喱味。炸虾丸香口弹牙，泰式鱼饼弹牙juicy,有清新柠檬叶嘅香味。