米拉 (已結業)

平时行过都冇留意，原来观塘东广场地下有咁多野食，拣左呢间叫米拉嘅台湾食店，因为突然好想饮台式珍珠奶茶。食店虽然地方唔大，外面有两张枱；饮品有几多选择，另外有小食或者套餐，我同朋友都叫左芝士牛肉包套餐，套餐包一杯指定饮品，补差价可以转其他饮品；另外，我地仲叫左小食，有鸡翼同台湾香肠。香焗鸡翼鸡翼一杯三只，腌得好入味，烤得几香脆。台湾浓香肠有蒜香味同蜜糖味拣，蜜糖味香肠系黑色嘅，非常特别，唔好睇佢咁嘅颜色，味道其实唔错。芝士牛肉包牛肉包几大个，就咁睇已经见到入面夹住几多牛肉，牛肉几嫩几香，除左芝士之外，仲加左芥末酱，夹埋一齐食好滋味，而且非常饱肚。香芋珍珠奶茶+芝士奶盖珍珠奶茶好大杯，特别加左芝士奶盖响上面，饮落非常香浓，香芋味更香。即磨咖啡朋友叫嘅即磨咖啡，朋友都大赞咖啡味好香醇。