大渣哥茶記 (已結業)

喺附近做完嘢，决定试吓闻名而久嘅大渣哥。入去坐低睇餐牌，选择都算多，最后我叫咗个下午茶餐，干炒牛河，再加杯冻奶茶，咁就要六十蚊，其实以一个工业区嘅价钱嚟讲真系唔算平，不过杯奶茶比普通茶餐厅大杯，碟干炒牛河份量亦唔少，而且好有镬气，味道唔错，都算值回票价！另外楼面都几阔落，但座位设计就麻麻，排到有啲密质质，繁忙时间应该要同隔篱位膊头掂膊头，不过好彩我下午茶时间去，唔算多人。总结而言如果下次经过都会再试！