新華苑酒家

营业中

休息中

探完家姐个BB一行4人黎到旺角呢间酒楼食晚饭，4个人叫4样野够哂。分别叫左椒盐鲜鱿，咕噜虾球、两只龙虾配伊面底同埋我最爱既胡椒猪肚鸡煲。首先讲下胡椒猪肚鸡煲，比我平时食既冇咁辣但胡椒味都好突出，猪肚爽口仲索左D胡椒猪肚汤好入味，鸡亦冇雪味，而家做紧晚餐优惠$198有两只龙虾配埋伊面，所以我地谂住食伊面就冇特别叫饭，如果唔系胡椒猪肚汤捞饭食真系一流。椒盐鲜鱿同咕噜虾球又系好好送饭既𩠌，首先咕噜虾球甜甜地个汁较杰身，不过虾球就冇咕噜肉果种脆口既感觉，椒盐鲜鱿都唔错，鱿鱼唔韧仲好好咬，炸得唔油腻，食下食下好快成碟食哂。最后两只龙虾配伊面底就真系非常抵食，龙虾比我想像中大只而且新鲜，龙虾肉实净唔潺，伊面底都俾得几多，4个人食都够分。