武士拉麵 (已結業)

今日中午同妈咪忽然间好想食拉面，去咗一间位于尖沙咀金巴利道嘅武士拉面，一入到门口，充满日本感觉，地方整洁，还有独立厕所，望吓餐牌，真心平到震，只系$58，平常差唔多要接近$100一碗，仲要系尖沙咀区，好啦，就试吓佢哋嘅始祖将军拉面，唔使几分钟热辣辣嘅拉面已经出场，先讲下汤底，猪骨味道超级浓郁，上面有好薄嘅猪油，但完全唔觉得油腻，反而好香，面既质地爽口弹牙，听老板讲佢哋特登去日本订咗一个拉面炉返嚟，一边开水，一边放水，令到面全冇碱水味猪肉用咗日本五花腩，先将去慢煮，随后加上火枪，猪肉有少少焦味，入口即溶，开头以为叉烧烧焦了，原来唔系，系黑椒碎，非常特别，令到个叉烧冇咁油腻，不得不赞佢嘅糖心蛋，中间仲系流心，富有丰富蛋味，食得出系日本蛋，仲加咗拉面店舖少有嘅蟹柳，虽然好普通，但浸左猪骨浓汤之后，味道提升到非常好，食咗一半，老板提醒我哋要加特制鱼油，加咗之后成个拉面嘅灵魂出现了，每一口都食到好香嘅鱼味道，完全系两个汤底，用＄58元可以食到两个味道超级赞，妈咪话想试吓佢嘅饺子，$30有五粒，煎到个底好脆囗，肉汁非常多，个汁都唔错Ps老板非常健谈，从佢言语上面，知道佢对食物好有要求，诚意推介大家