影片
更多
2019-05-28
104 浏览
佢个价钱其实同返大陆食海底捞差唔多，但好食过海底捞。而且服务有旧香港街坊𠮶种热情，我觉得想食高质打边炉唔使返大陆，呢间几揪得。未食嘢之前会有杯细细嘅梅子汁，几好饮，for开胃嘅。叫咗个鸳鸯锅，一边系四川麻辣，一边系沙嗲。个四川麻辣锅个味好似海底捞嘅牛油麻辣，又冇咁油，几好。但系最好味居然系沙嗲汤底，几surprised. 佢呢个沙嗲好食到唔使点豉油。 By the way，佢个豉油都用海鲜豉油，鲜甜嘅，几揼本。之后会有专人服侍，送上调味品各样，畀你自己整𠮶调味酱。叫咗个竹蔗茅根，一罂够两个人饮。几清甜，非常能够消解到火锅𠮶种浓味。叫咗碟响铃，个响铃系即叫即炸，上到枱都仲系热。食落去同普通酒楼响铃果然唔同，有咬口好多，而且𠮶种面筋味浓啲。个黑毛猪好好呀，厚切嘅。摆咗喺汤入面好耐都唔老，有猪味，食得出同普通猪只唔同。好掂。𠮶煎午餐肉真系好食到攞命。。。佢又系即叫即煎，同养心殿一样。但系佢呢间啲午餐肉厚好多，份量多好多。上到枱都仲系劲热，食到好满足。咬落去，入面真系有猪肉一梳梳。个手打四宝丸劲靓呀！！！我初时以为手打系讲下，点知食落去真系好弹牙。佢弹牙到𠮶种质感系好似起晒胶嘅虾滑，掉落水煮熟
未食嘢之前会有杯细细嘅梅子汁，几好饮，for开胃嘅。
叫咗个鸳鸯锅，一边系四川麻辣，一边系沙嗲。个四川麻辣锅个味好似海底捞嘅牛油麻辣，又冇咁油，几好。但系最好味居然系沙嗲汤底，几surprised. 佢呢个沙嗲好食到唔使点豉油。 By the way，佢个豉油都用海鲜豉油，鲜甜嘅，几揼本。
之后会有专人服侍，送上调味品各样，畀你自己整𠮶调味酱。
叫咗个竹蔗茅根，一罂够两个人饮。几清甜，非常能够消解到火锅𠮶种浓味。
叫咗碟响铃，个响铃系即叫即炸，上到枱都仲系热。食落去同普通酒楼响铃果然唔同，有咬口好多，而且𠮶种面筋味浓啲。
个黑毛猪好好呀，厚切嘅。摆咗喺汤入面好耐都唔老，有猪味，食得出同普通猪只唔同。好掂。
𠮶煎午餐肉真系好食到攞命。。。佢又系即叫即煎，同养心殿一样。但系佢呢间啲午餐肉厚好多，份量多好多。上到枱都仲系劲热，食到好满足。
咬落去，入面真系有猪肉一梳梳。
个手打四宝丸劲靓呀！！！我初时以为手打系讲下，点知食落去真系好弹牙。佢弹牙到𠮶种质感系好似起晒胶嘅虾滑，掉落水煮熟咗𠮶种质感。有一种好新鲜，好高质嘅感觉。 特别系墨鱼丸，真系有好香墨鱼味。
我好少咁写咁多字，今次真系好满足，同时好感触。 好有可能要移民啦，好唔舍得香港呀。 食下食下嘢，好感触，因为我一定会好挂住香港嘅嘢食 ( or everything )。
老板要加油呀，继续整咁好食嘅嘢，我会挂住呢度㗎！
张贴
