Steak Bar (已結業)

有人请食生日饭，我就唔客气拣咗铜锣湾呢间专食吉列牛嘅铺头。叫得Steak Bar，如果我入到去都唔叫份牛扒，就真系好唔俾面啦⋯⋯ 所以我哋两个女仔（真系好大食🤤🤦🏻‍♀️）一人叫咗一份定食：分别系吉列炸和牛扒，同埋澳洲黑毛安格斯西冷。食牛最紧要系可以控制到牛肉本身熟嘅程度，而佢个餐牌啱晒两款人：一款系懒到出汁，最好唔使自己烧；另一款系专业食家，最好系比佢自己烧。我同我个朋友就咁岩中哂两款人，各执一个极端。所以拣大西冷系唔使烧，吉列炸和牛就自己烧。先讲吉列炸和牛扒，个卖相真系一流。（完全系相机先食！😍）因为见到炸粉仲系脆身、干身，而和牛嘅肉身仲系呈红色生嘅状态，比你烧几成熟都得。我同我朋友都食得几生下，所以我哋轻轻烫左一烫个面就放入口，熟嘅程度啱啱好！食到面𠮶层有少少脆香，里面仲系好嫩口多汁。真系几好食！因为「香口野」（炸野）牛肉配白饭珍珠米，加埋白饭上面嘅味素，系几好送饭嘅。另外安格斯西冷好明显系牛味重一点。因为我同店员讲我要五成熟，所以佢真系烧熟面𠮶层，保留到肉心仲系粉红色半年嘅状态。卖相又系好打卡，但我发觉原来我都钟意食几生嘅，所以如果下次再叫我就会叫佢系三成熟就够了！