Explorer Fusion Restaurant (已結業)

突然好想食鱼生饭，揾下近近地马鞍山边度有得食，就见到呢间西日fusion菜。果日lunch time岩岩开始无咩人一入去即刻有位坐。铺头整体比较暗几有feel。睇menu鱼生饭都有几款花多眼乱，但要食梗系食尽佢叫左最多种样果款！鱼生饭未到就到左茶碗蒸、味噌汤同中华沙律，原来成个set包埋，我本身都劲钟意食茶碗蒸同饮味噌汤，呢个set满足哂我三个愿望！茶碗蒸上枱仲烫手热辣辣，唔好以为一路兴住食到尾会熟得泻会鞋口，系由头滑到尾入口即溶，而且好香木鱼味！唔系跟set都想再encore😍到主角鱼生饭，鱼生新鲜鲜甜，最surprise反而系个醋饭，食落醋味比之前食过既鱼生饭出，但出得黎又唔会抢左鱼生既鲜甜味，反而仲互补令成碗饭更加鲜味！我相信净饭都可以食多碗🤣真心未食过咁好食既醋饭，成件事事半功倍！讲讲下又心郁郁想食多次啦😍