更多
2021-07-24
79 浏览
今日同朋友突然想食鱼蛋粉,见到呢间鱼蛋粉老店就入去试下,见佢系将军澳都有几间分店,我哋就选择左最近既呢间分店试下😋我哋嗌左原汁牛腩净食同埋一碗潮州四宝河粉share讲左净食先,牛腩净食既份量比我哋预期多,底层有唔少生菜去油腻感。牛腩偏瘦脂肪比例唔多,但系食落一啲都唔韧,沾埋佢啲腩汁食好入味👍🏻底层既生菜都好重腩汁味,钟意食牛腩既可以一试。另外潮州四宝河入边有鱼蛋,鱼皮饺,鱼片,札肉,墨鱼丸同埋牛丸。佢呢度啲丸食落都好弹牙,鱼皮饺皮馅料都多,最钟意食佢鱼蛋同鱼片,食落一啲都唔腥。另外汤底好清,唔加调味料都够味,食完都唔会口渴。另外河粉份量都唔少,食落唔淋。鱼蛋粉老店,好食价钱又亲民👍🏻
张贴