一杯屋

营业中

休息中

之前有一天放学误打误撞入咗一间叫一杯屋嘅餐厅食饭，因为得自己一个食好似无主孤魂咁周围游荡之后就入咗呢间一杯屋去食啦。咁我一个人就净系叫咗一个豚肉肉生姜烧定食，仲有一份香煎鹅肝。呢个份量已经足够我饱啦，咁首先我不嬲都系食定食先嘅咁个生姜烧豚肉，佢用洋葱同青椒一齐炒盖过啲猪腥味令到成件事好香口，同埋将个色提鲜左，仲要鲜甜左，真系做得唔错呢个生姜豚肉烧，到食香煎鹅肝啦，我就本身好钟意食鹅肝嘅，所以成日都会周围揾唔同地方整鹅肝好食嘅地方食，因为鹅肝其实真系唔系一个容易整嘅一个食物嚟，都会好考技巧既，而家反而系呢到食到一个好好食嘅鹅肝，好正，佢嘅鹅肝系入口即溶嘅，个感觉超好食，虽然胆固醇高但系食落香口，做得非常非常之好，重要个卖相上面再加啲芝士同面包糠做点缀，一啲都唔会减低咗个价值，影相都美，唔会禁单调，大家可以嚟呢间一杯屋试吓！我都好希望大家可以试到呢到既美食！