影片
更多
2018-11-11
44 浏览
呢一间陆陆鸡煲火锅肥妹仔之前都有同同事呢个呢一度聚餐，食完都觉得呢度嘅质素非常之好，今次就同肥爸肥妈一齐嚟试下新推出嘅海鲜餐加鸡煲， 食饱啲人都暖啲呀嘛。Bb辣鸡煲半只 海鲜餐 $298鸡煲方面我哋拣咗bb辣，因为肥爸同肥妹仔唔系食得好辣嘅人。 佢嘅鸡煲酱汁非常之惹味，bb辣真系bb辣，食落去非常开胃，而且佢嘅鸡件好嫩滑，每一只鸡块都煮得非常入味，好食。食完个鸡煲之后店员会帮我哋转锅去打边炉。打边炉方面我哋拣咗龙虾汤汤底，真系唔系夸张，𠮶汤底上嘅时候系原只龙虾向入面，旁边仲有好多海鲜配料例如白沙等等 ，仲有蕃茄，粟米。 我哋先饮咗一啖龙虾汤，饮落去真系唔系讲笑，系有一阵好浓嘅龙虾味，同埋海鲜嘅鲜甜味令，我哋非常之惊喜同意外，好好饮。海鲜拼盘海鲜拼盘方面就有广岛蚝，大蚬，带子，圣子，鲍鱼，越南大头虾，鲜虾，鲩鱼片， 真系唔系开玩笑，系丰富到令人想尖叫呀!佢每一款海鲜都超级新鲜，就好似啲鲍鱼同埋大头虾上碟嘅时候仲会识郁，试问一啲新鲜嘅海鲜又点会唔好食呢？而且佢嘅海鲜因为新鲜，所以肉质系非常嫩滑，好好食，再加埋个汤底本身系龙虾汤汤底，鲜上加鲜，妹仔觉得咁嘅价钱有咁嘅份量同质素，真系好值得推
呢一间陆陆鸡煲火锅肥妹仔之前都有同同事呢个呢一度聚餐，食完都觉得呢度嘅质素非常之好，今次就同肥爸肥妈一齐嚟试下新推出嘅海鲜餐加鸡煲， 食饱啲人都暖啲呀嘛。
Bb辣鸡煲半只 海鲜餐 $298
鸡煲方面我哋拣咗bb辣，因为肥爸同肥妹仔唔系食得好辣嘅人。 佢嘅鸡煲酱汁非常之惹味，bb辣真系bb辣，食落去非常开胃，而且佢嘅鸡件好嫩滑，每一只鸡块都煮得非常入味，好食。
食完个鸡煲之后店员会帮我哋转锅去打边炉。打边炉方面我哋拣咗龙虾汤汤底，真系唔系夸张，𠮶汤底上嘅时候系原只龙虾向入面，旁边仲有好多海鲜配料例如白沙等等 ，仲有蕃茄，粟米。 我哋先饮咗一啖龙虾汤，饮落去真系唔系讲笑，系有一阵好浓嘅龙虾味，同埋海鲜嘅鲜甜味令，我哋非常之惊喜同意外，好好饮。
海鲜拼盘
海鲜拼盘方面就有广岛蚝，大蚬，带子，圣子，鲍鱼，越南大头虾，鲜虾，鲩鱼片， 真系唔系开玩笑，系丰富到令人想尖叫呀!佢每一款海鲜都超级新鲜，就好似啲鲍鱼同埋大头虾上碟嘅时候仲会识郁，试问一啲新鲜嘅海鲜又点会唔好食呢？而且佢嘅海鲜因为新鲜，所以肉质系非常嫩滑，好好食，再加埋个汤底本身系龙虾汤汤底，鲜上加鲜，妹仔觉得咁嘅价钱有咁嘅份量同质素，真系好值得推介。
牛肩胛，牛柳粒，猪肉片
除咗海鲜方面，佢嘅肉类种类都唔少 。佢嘅牛粒好浓牛味，牛肩胛就食落去肥瘦比例刚刚好，猪肉片切得薄薄，好香猪肉味。
蔬菜菇类拼盘
佢嘅蔬菜份量同种类都好多，食咁多肉同埋海鲜，食一啲新鲜嘅蔬菜可以清清肠胃同味蕾。
炸鱼皮
鱼皮炸到脆卜卜，点上龙虾汤，食落去又脆口又惹味。
响铃
个响铃超级好食，因为本身有好香嘅豆香，味再加上吸满了龙虾汤汤汁，食落去非常惹味。
墨鱼丸，虾丸，猪肉丸
呢度嘅丸类亦都唔差，墨鱼丸同虾丸系非常爽口弹牙，用新鲜嘅墨鱼同虾肉做成，唔系一般出街买嘅货色。另外佢嘅猪肉丸食落去口感结实，好香猪肉味，肥妹仔我都好推介。
云吞，水饺，白菜饺，鱼皮饺，泡菜饺
另外仲有一啲打边炉必备嘅饺类，佢嘅云吞同埋泡菜饺系肥妹仔极度推介，因为佢嘅云吞入面系虾肉云吞，食落去好鲜味，而泡菜饺入面系有好香浓嘅泡菜，食落去酸酸辣辣，非常惹味。
青柠梳打 $49
领宾梳打 $49
张贴
