班蘭小館 (已結業)

西湾河近太安楼有一间班兰小馆嘅新加坡菜。今次我地黎试左佢三款菜式- 海南鸡饭套餐、A 黑胡椒老虎虾、参峇鲜鱿炒时菜（芥兰）。价钱唔算太贵，除左你叫海鲜如黑胡椒蟹（$4xx) 或老虎虾（$138）。其它都系五十几至八十一碟。但味道整体算几好，今餐都好满足。最先黎到系海南鸡饭套餐（$58），呢个CP 值最高，鸡系无骨鸡，有d 系滑嘅鸡脾肉，唔系旧旧都鞋到死鸡胸，三只酱都好正宗，姜蓉系真系好均匀嘅姜蓉，唔系好多油中间加几粒姜，油饭温热但鸡油味唔太够。个小例汤估唔到都有惊喜。系有鸡汤味，唔系平时饮开嘅萝卜吉水。跟住黎系a黑胡椒老虎虾，黎到有少少觉得份量少左d ， $138 只有两大只，不过虎虾本身都贵，同埋佢好够味，黑椒味好香，拆完肉来回沾返啲黑椒汁。咁先正！参峇鲜鱿炒菜就好一般，辣加上少少咸香。唔算好美味。