影片
更多
2010-05-10
2674 浏览
如果唔系有openrice既地图，同友人一早到左，个门口其实都有少少难揾。环境：要行上条楼梯先可以撘lift。上到楼上见到门口既摆设有水流，第一个感觉就系＂系咪睇过风水呢＂。地方唔算细，可以间三围大枱，都几阔落。服务：扣分原因1) 自己带左酒黎，其中有樽系雪涷左既香槟，所以就问姐姐攞个雪桶。佢既答案系：＂你地而家都饮架啦，唔使雪桶啦。＂解释比佢知唔系一开就十分钟内饮哂，要保涷，佢先话冇桶。2) 正当我攞起个相机黎影相时，佢叫我等佢摆哂d野上枱先好影（先黎六小碟）。yes, mom!3) 因为同桌食饭既人年纪比较大，同公馆唔系好隔暗，所以姐姐讲𩠌名我地好多时都听唔到，问多几句佢就唔系好开心咁既样。我地都好明白成餐饭得佢一个人搞真系好吃力，不过我地都唔想咁烦既。味道：食乜冇得拣，set menu。订左位唔好加人减人呀，姐姐话材料每朝新鲜买，份量唔会预多既。 家乡麸汇：经典斋菜，烤麸好清好健康。 凉拌鸳鸯爽：绿色𠮶d唔系青瓜而系翠玉瓜。所谓鸳鸯爽系海哲皮同翠玉瓜。食落同个名一样，好爽好脆。 神仙茄子：所有人都觉得好特别既菜色。茄子唔油腻，上面舖左肉松同炸菜，个组合真系几新颖。茄子本身系冇味既
环境：要行上条楼梯先可以撘lift。上到楼上见到门口既摆设有水流，第一个感觉就系＂系咪睇过风水呢＂。地方唔算细，可以间三围大枱，都几阔落。
服务：扣分原因
1) 自己带左酒黎，其中有樽系雪涷左既香槟，所以就问姐姐攞个雪桶。佢既答案系：＂你地而家都饮架啦，唔使雪桶啦。＂解释比佢知唔系一开就十分钟内饮哂，要保涷，佢先话冇桶。
2) 正当我攞起个相机黎影相时，佢叫我等佢摆哂d野上枱先好影（先黎六小碟）。yes, mom!
3) 因为同桌食饭既人年纪比较大，同公馆唔系好隔暗，所以姐姐讲𩠌名我地好多时都听唔到，问多几句佢就唔系好开心咁既样。我地都好明白成餐饭得佢一个人搞真系好吃力，不过我地都唔想咁烦既。
味道：食乜冇得拣，set menu。订左位唔好加人减人呀，姐姐话材料每朝新鲜买，份量唔会预多既。
家乡麸汇：经典斋菜，烤麸好清好健康。
凉拌鸳鸯爽：绿色𠮶d唔系青瓜而系翠玉瓜。所谓鸳鸯爽系海哲皮同翠玉瓜。食落同个名一样，好爽好脆。
神仙茄子：所有人都觉得好特别既菜色。茄子唔油腻，上面舖左肉松同炸菜，个组合真系几新颖。茄子本身系冇味既，所以同偏咸既炸菜好夹。姐姐话搽左层＂仙＂酱汁（应该系麻酱），所以道𩠌叫神仙茄子。
风花牛扇：公馆名菜，未黎食已经听过。其实真系好似食评家＂美食焚化炉＂所讲，系一碟普通既牛展舖成扇形。味道好清好健康，一d都唔觉得咸。
豆瓣苏：分开两碟上，一碟系干左既春卷皮（相中左身𠮶碟），好脆好干身，切成细细块比我地点另外𠮶碟有wasabi味既豆瓣苏一切食。送酒一流。
马兰头：用筷子夹马兰头系好辛苦既，师傅好有心同好有心机地搓成一旧旧方便我地一人一口食，真系非常感激。好清甜，赞！
雪花银肚羹：鱼肚豆腐羹，好稀好淡，ok啦。
威化鸽柳卷：依味𩠌我要企起身拍手掌！真系好好食！！！白色既皮系炸既，真系完全食唔出，佢重话系春卷皮黎架bor，真系估唔到点可以做到白雪雪。一d 都唔油，好干身。个馅都唔弱，有肉身好嫩既鸽肉，冬菇粒同埋金华火腿。我成日以为金华火腿好咸，但系个鸽柳卷不单唔咸，重有鲜甜味，真系一绝呀。超正！
贵妃踏雪：一味我好期待既菜，因为我好钟意黑松露。好可惜，我地有得睇冇得食。因为我地唔小心夹野时打烂左只玻璃杯，碎片入左去，所以冇得食。姐姐话唔会预多，所以我地唔好彩啦。
醉抱金鸡：鸡肉好嫩，连鸡胸都唔嚡。不过叫得佢叫醉抱金鸡我就觉得佢欠缺左d酒味，hmmm... 可能蒸发哂啦。
古法粉皮蒸鱼：用粉皮蒸鱼都系第一次见，好特别。因为怕骨我唔系好敢食鱼，不过都可以食索左鱼汁既粉皮，唔错。食左既人话鱼肉唔嚡，蒸得时间啱啱好，条鱼亦都唔腥。
包公骨：因为系用梅黎调制，食落带酸。见到d肥觉得佢系五花腩，不过五花腩系冇骨既，所以唔知佢系边part，唔系好啱我。
鸳鸯香烧饼：由红米同白米沟埋黎煎，所以健康d。外层香脆，配佢既肉酱一切食既特别。
茉莉茶汤圆：好清，唔系好食得出茉莉味，冇乜特别，ok啦。
张贴
