影片
更多
2024-02-14
558 浏览
金燕岛潮州酒家. 用餐日期: 2024年2月午餐大点$68, 中点$58, 小点$48, 茶芥$25/位, 小食$25/碟餐厅位于商厦高层，有个大玻璃窗，采光一流，装潢都好大器，富丽堂皇。一坐低服务员就摆低左潮洲功夫茶，花生同埋甜酸菜。功夫茶细细杯好浓，听闻系可以开胃消滞。花生系有盐花生，甜酸菜好好食，食住等开饭真系一流。《中 - 潮州芋丝春卷》炸到香脆既春卷皮入面塞左满满既芋头丝，馅料比得好大方，一口size唔会令人觉得好饱腻，而且成个春卷唔会好油，亦都冇果种一早炸定等有客人叫再翻炸既感觉。《大 - 金燕岛烧卖皇》望落比一般既酒楼烧卖更加大粒，入口食到有冬菇，猪肉，虾，蟹籽，特别一赞个虾超弹牙，为成个烧卖加左唔少分。《大 - 金燕岛虾饺皇》虾饺一样系用靓虾，好足料大大粒又弹牙，但虾饺皮一夹就散，包唔住粒虾饺。《大 - 鲜虾菜苗饺》菜苗饺个皮有少少厚，但入面都系超足料，食落会有少少草青味，但唔重，可以接受，鲜虾仍然系大粒爽弹。《大 - 鲜明虾肠粉/ 中 - 香荽牛肉蒸肠粉》肠粉皮偏厚少少，两个肠粉我会比较钟意虾肠，呢间茶楼用既虾真系好爽弹，而且由肠粉横切面睇过去，系超足料，塞满左虾肉，
.
用餐日期: 2024年2月午餐
大点$68, 中点$58, 小点$48, 茶芥$25/位, 小食$25/碟
餐厅位于商厦高层，有个大玻璃窗，采光一流，装潢都好大器，富丽堂皇。一坐低服务员就摆低左潮洲功夫茶，花生同埋甜酸菜。功夫茶细细杯好浓，听闻系可以开胃消滞。花生系有盐花生，甜酸菜好好食，食住等开饭真系一流。
《中 - 潮州芋丝春卷》
炸到香脆既春卷皮入面塞左满满既芋头丝，馅料比得好大方，一口size唔会令人觉得好饱腻，而且成个春卷唔会好油，亦都冇果种一早炸定等有客人叫再翻炸既感觉。
13 浏览
0 赞好
0 留言
《大 - 金燕岛烧卖皇》
望落比一般既酒楼烧卖更加大粒，入口食到有冬菇，猪肉，虾，蟹籽，特别一赞个虾超弹牙，为成个烧卖加左唔少分。
《大 - 金燕岛虾饺皇》
虾饺一样系用靓虾，好足料大大粒又弹牙，但虾饺皮一夹就散，包唔住粒虾饺。
13 浏览
0 赞好
0 留言
《大 - 鲜虾菜苗饺》
菜苗饺个皮有少少厚，但入面都系超足料，食落会有少少草青味，但唔重，可以接受，鲜虾仍然系大粒爽弹。
6 浏览
0 赞好
0 留言
《大 - 鲜明虾肠粉/ 中 - 香荽牛肉蒸肠粉》
肠粉皮偏厚少少，两个肠粉我会比较钟意虾肠，呢间茶楼用既虾真系好爽弹，而且由肠粉横切面睇过去，系超足料，塞满左虾肉，加左好多分。香荽牛肉肠感觉就似食紧牛肉球，再加肠粉皮咁。
8 浏览
0 赞好
0 留言
《$160 糖醋黄金伊面》
都系餐厅贴心分好左一份份先上枱，望落个样似蛋面多过伊面，糖醋都系另上，客人可以跟据自己口味调节。如果唔落糖醋，感觉就似食紧童星点心面咁，但加左糖醋，又变左第二件事，系值得一试既特色菜品。
5 浏览
0 赞好
0 留言
《$180 潮洲蚝烙》
上枱既时候见到圆形一饼，好似pizza咁，餐厅已经帮客人切好左一份份，另外跟一碟鱼露提味。食落觉得偏向似食紧蛋饼，蚝仔份量算中间，唔叫好多，但唔会有腥味。蚝烙味道少少淡，就算加左鱼露个人都觉得差少少味。
8 浏览
0 赞好
0 留言
《$140 椒盐九肚鱼》
呢个真系有惊喜，九肚鱼鲜嫩，炸粉唔厚，食落唔会好油，再加少少椒盐提味，好似食紧炸鱼薯条咁，值得一试。
1 浏览
0 赞好
0 留言
《$30/件 - 黄金蟹枣》
呢个都系好出色，蟹枣入面主要都系蟹肉，仲加左轻微既姜粒，食得出姜味，但又唔会好抢。
1 浏览
0 赞好
0 留言
《$88 高汤鱼翅灌汤饺》
高汤味道唔会好咸，主要都系靠金华火腿去吊味，加埋汤饺，食完个肚暖笠笠。
4 浏览
0 赞好
0 留言
《卤水鹅片/卤水墨鱼/卤水鹅肾》
潮洲野一定唔小得食卤水啦，闻落好香，鹅片份量有D少，但好入味，脂肪同鹅肉层次分明，好食。其他就够入味，正正常常。
1 浏览
0 赞好
0 留言
人均消费：$100
环境：8/10
食物：8/10
服务：7/10
性价比：7/10
整体：7.5/10
#香港 #美食 #香港美食 #foodie #食评 #金燕岛潮州酒家 #铜锣湾美食 #铜锣湾 #香港 #潮洲菜 #卤水鹅片 #卤水 #卤水墨鱼 #卤水鹅肾 #灌汤饺 #饮茶 #椒盐九肚鱼 #潮洲蚝烙 #糖醋伊面 #明虾肠粉 #菜苗饺 #烧卖 #虾饺 #春卷 #功夫茶 #甜酸菜
张贴
