影片
更多
2021-05-30
514 浏览
💛#黄店湾仔一间几出名嘅日式蛋包饭专门店，供应多款系列蛋包饭，例如招牌三色蛋包饭、和牛汉堡、烩牛肉；有猪肉鸡肉牛肉多款配搭，所以唔食其中一种肉类嘅朋友都唔使惊。小店店面不大，只有约十个座位，所以无论中午定平日夜晚都大排长龙，六点半左右已经要排队所以大家要预时间！👓招牌三色蛋包饭-咖喱猪肉+浓茄牛肉 $82👓招牌三色蛋包饭-咖喱猪肉+忌廉鸡肉 $82👓手打和牛汉堡扒蛋包饭 $89👓咖喱猪肉+烩牛肉汁蛋包饭 $89➡️咖喱猪肉-系传统日式咖喱嘅味道，咖喱唔算好浓烈，但香咖喱味。少许萝卜粒洋葱和猪肉片，普通猪肉片质感味道冇太大特别。评分：7.5/10➡️浓茄牛肉-纯粹蕃茄汁加牛肉，番茄汁就真系蕃茄汁，少许蕃茄味又未去到好浓郁好番茄酱嘅感觉；牛肉就正正常常三旧牛肉粒，不过𩠌可以再多啲啲。评分：7/10➡️忌廉鸡肉-忌廉汁唔算非常creamy浓味，比较似白汁，有少少似白汁鸡皇，不过我觉得都好食嘅，平衡返浓味嘅咖喱，不过鸡肉只有三旧偏少。评分：7/10➡️烩牛肉汁-味道少许酸甜似铁板烧嘅洋葱汁，个酱汁比较稀，味道亦比较普通麻麻哋。评分：6.5/10➡️和牛汉堡-几钟意佢大旧厚身，食落有口感，中间都见系粉嫩，
湾仔一间几出名嘅日式蛋包饭专门店，供应多款系列蛋包饭，例如招牌三色蛋包饭、和牛汉堡、烩牛肉；有猪肉鸡肉牛肉多款配搭，所以唔食其中一种肉类嘅朋友都唔使惊。
小店店面不大，只有约十个座位，所以无论中午定平日夜晚都大排长龙，六点半左右已经要排队所以大家要预时间！
👓招牌三色蛋包饭-咖喱猪肉+浓茄牛肉 $82
👓招牌三色蛋包饭-咖喱猪肉+忌廉鸡肉 $82
👓手打和牛汉堡扒蛋包饭 $89
👓咖喱猪肉+烩牛肉汁蛋包饭 $89
➡️咖喱猪肉-系传统日式咖喱嘅味道，咖喱唔算好浓烈，但香咖喱味。少许萝卜粒洋葱和猪肉片，普通猪肉片质感味道冇太大特别。
评分：7.5/10
➡️浓茄牛肉-纯粹蕃茄汁加牛肉，番茄汁就真系蕃茄汁，少许蕃茄味又未去到好浓郁好番茄酱嘅感觉；牛肉就正正常常三旧牛肉粒，不过𩠌可以再多啲啲。
评分：7/10
➡️忌廉鸡肉-忌廉汁唔算非常creamy浓味，比较似白汁，有少少似白汁鸡皇，不过我觉得都好食嘅，平衡返浓味嘅咖喱，不过鸡肉只有三旧偏少。
评分：7/10
➡️烩牛肉汁-味道少许酸甜似铁板烧嘅洋葱汁，个酱汁比较稀，味道亦比较普通麻麻哋。
评分：6.5/10
➡️和牛汉堡-几钟意佢大旧厚身，食落有口感，中间都见系粉嫩，食落亦有牛味。佢个酱汁色泽比较深色，食落有少少红酒味甜甜的，似红酒烩汁。
评分：7.5/10
🔼蛋包饭系几好食，个蛋够嫩滑有蛋味。走蛋变白饭可以-$10，可以免费多饭/少饭。
😳整体系好食嘅，不过唔值得要排甘耐队，而且环境比较挤拥出面又长人龙所以系好快食完就走人，唔系𠮶种可以慢慢坐吹水𠮶种。
张贴
