影片
更多
2019-11-13
2639 浏览
有次偶然喺网上见到一个德高望重嘅食评家对《Forkers》嘅赞赏，身为土瓜湾之友，梗系要身体力行支持下小店。Forkers位于两间《楚撚记》中间，西式嘅风格同走大排档路线嘅楚撚记截然不同。餐厅楼面唔算大，大概20-30个座位到，不过枱与枱之间 其实都几近，至少一定听到隔离枱讲紧咩。晚餐base系$298，包指定前菜、指定餐汤、指定主菜、任食配菜、甜品及餐饮。想配其他菜式呢，就要另外加钱。- #1 前菜 -西班牙黑毛猪拼盘不错吃，配上四片多士份量唔算大嘅前菜另外可以 加$38改配橡果饲养前腿 (36-month dry-aged)／加$68改配橡果饲养后腿 (48-month dry-aged)- #2 餐汤 -是日餐汤唔驶加钱嘅是日餐汤 － 忌廉南瓜汤，饮到南瓜蓉，唔错另外可以 加$68改配虎虾浓汤虾味好浓，只虎虾好大只🍤 - #3 主菜 -主菜嘅份量都足够，不过盛载嘅碟比较细只，所以卖相so-so唔驶加钱嘅主菜只有「美国牛肩」一款，我哋两个都加咗钱改配其他item西班牙棕毛猪肩胛 (+$98)西班牙棕毛猪以天然橡木果为主要食粮，唔使煮到全熟都食得。不过呢到就整得有啲太生，完全咬唔开。
Forkers位于两间《楚撚记》中间，西式嘅风格同走大排档路线嘅楚撚记截然不同。
餐厅楼面唔算大，大概20-30个座位到，不过枱与枱之间 其实都几近，至少一定听到隔离枱讲紧咩。晚餐base系$298，包指定前菜、指定餐汤、指定主菜、任食配菜、甜品及餐饮。
想配其他菜式呢，就要另外加钱。
- #1 前菜 -
西班牙黑毛猪拼盘不错吃，配上四片多士
份量唔算大嘅前菜
另外可以 加$38改配橡果饲养前腿 (36-month dry-aged)／加$68改配橡果饲养后腿 (48-month dry-aged)
- #2 餐汤 -
是日餐汤唔驶加钱嘅是日餐汤 － 忌廉南瓜汤，饮到南瓜蓉，唔错
另外可以 加$68改配虎虾浓汤虾味好浓，只虎虾好大只🍤
- #3 主菜 -
主菜嘅份量都足够，不过盛载嘅碟比较细只，所以卖相so-so
唔驶加钱嘅主菜只有「美国牛肩」一款，我哋两个都加咗钱改配其他item
西班牙棕毛猪肩胛 (+$98)西班牙棕毛猪以天然橡木果为主要食粮，唔使煮到全熟都食得。
不过呢到就整得有啲太生，完全咬唔开。
餐厅都乐意为我哋整熟啲，整熟咗之后好味好多🤣，配上黑醋食都好好食。
法式油封鸭腿 (+$98)呢个比较出色！
外皮香脆，肉质松软。
以好香牛油味嘅薯蓉作为伴碟，不错！
- #3.5 配菜 -
比较吸引嘅可能系呢到嘅任食配菜 － 沙律同薯条不过实际上都应该唔驶添嘅，除非多人share／饮酒配薯条啦
不过佢哋九点半收炉，之后想添都无lu
- #4 甜品 -
是日甜品系芝士蛋糕，细细件做结尾啱啱好，配上餐饮唔会好漏，钟意！- #5 餐饮 -
餐饮可以拣普通柠茶柠水咖啡奶茶，另外仲有earl grey tea可供选择。
我哋拣嘅咖啡同伯爵茶都好香，不错。
Forkers绝对唔系平民餐饮，不过识得包装，将啲贵价嘢用加钱嘅形式收埋咗
喺土瓜湾呢区，中环嘅价钱，未必系好吸引
贵价舖都比较少人会用现金付款，但呢到竟然冇得俾信用卡😑，结果好多枱都要用PayMe俾钱，如果无PayMe，就要行过一条街去揿钱，可以更加理想
虽然负责人解释系信用卡terminal系申请中，但睇番餐厅系今年年头开张，而家十一月都仲未搞得掂，未免太慢了吧😪
服务来说，餐厅有两位楼面，都唔算慢嘅，态度就冇咩特别，不过应该系即叫即整，上菜速度比较慢，菜于菜之间嘅时间有啲太长
埋单九百几蚊，感觉同样价钱，可以有更好环境、更好服务、更好质素嘅选择
我嘅总结论会系，丰俭由人、钟唔钟意就见仁见智啦，网上嘅食评真系当吓reference算哈哈（包括我𠮶啲🤣）
张贴
