咖啡弄 (已結業)

今朝o系i square睇早埸，由于近咖啡弄加上之前o系台湾食过咖啡弄，觉得味道唔错，所以就过来朝圣。香港开左一短时间，其实一直都好期待来试。不过之前太多人啦，所以等佢无咁"热"先来。虽然衣家咖啡弄无之前咁"热", 但一早都见到好多人来食，好彩我地早到，来到d位已经九成满。11:30开门，12点后已经爆嘥，我地走果时见楼下已经有条龙仔!原来都仲好"人气"!建议大家早少少来好d，唔洗等。食物方面唔错，不过个松饼同维也纳咖啡真系太多cream啦！如果叫松饼，建议怕肥可以叫少cream(走一半都够)同走牛油，其实牛油唔落都好食。杯咖啡都系啊，超多cream，太多会好腻，虽然我无食嘥。 另外建议唔好贪心啊，叫一份松饼两个开心share会好d，唔好霖住一人一份啊！我食完两块松饼已经好饱啦！佢一份有四块，两人食o岩o岩好，除非你真系好肚饿啦！松饼口感好有"水份"，好软熟，感受到入面有小小"空间感",唔会太实的的，虽然唔系好脆果种，不过好好食。玉米里肌起士可颂好好食，材料丰富，d菜好新鲜!个牛角包好大份下，虽然只系微脆，但好香而且卖相吸引!d cheese好正!因为好香浓，但又唔会抢走其他材料d香味