影片
更多
2018-11-20
2778 浏览
预先订座食饭，一黎到门口的小姐笑容满面，其他员工亦有笑容有礼貌。每一道菜食之前，工作人员都会讲解下制作特色同埋食法。我地坐系一间小房，小房总共有2张4人枱，我地就系其中一张。因为其实每人最低消费要1000$，所以就算可以散叫食物都好，我地都系预先选择一个套餐，每人888$，之后加啲饮品茶水都已经绝对够每人1000有凸。不过我觉得饮品颇贵，如果饮茶一位收48$我都觉得唔过份，只要你用靓的茶叶。但一杯果汁甚至矿泉水都要几十蚊，就好似唔太化算。讲番食物，头盘系共有4款食物的，叉烧好食！本地猪，烧得焦香，肥瘦适中，仲专登切到有薄有厚，好有心思。蚵仔卷我觉得就成旧炸得较硬，唔系好食到蚵仔的感觉，一般。鲍鱼看似简单，原来话足足用左几日，好多浸酒处理过，食落的确浓浓酒香，唔错，看似简单实则味道丰富，功夫十足。最后绿白爽，即系海蜇？爽口几过瘾，味道正常，平时少食呢类食物，普普通通咁噜觉得。之后有道盐焗香茅海中虾，只只虾都够大只够新鲜。盐焗咸香好够味，最惊喜系每只虾插住的唔系竹签，而系大大条香茅，所以除左普通盐焗味外，仲多左阵香茅味，几特别！之后到呢味其貌不扬的「橙皮甜酱炆五花腩」。个样就只系一煲五花楠
我地坐系一间小房，小房总共有2张4人枱，我地就系其中一张。
因为其实每人最低消费要1000$，所以就算可以散叫食物都好，我地都系预先选择一个套餐，每人888$，之后加啲饮品茶水都已经绝对够每人1000有凸。
不过我觉得饮品颇贵，如果饮茶一位收48$我都觉得唔过份，只要你用靓的茶叶。但一杯果汁甚至矿泉水都要几十蚊，就好似唔太化算。
讲番食物，头盘系共有4款食物的，叉烧好食！本地猪，烧得焦香，肥瘦适中，仲专登切到有薄有厚，好有心思。
蚵仔卷我觉得就成旧炸得较硬，唔系好食到蚵仔的感觉，一般。
鲍鱼看似简单，原来话足足用左几日，好多浸酒处理过，食落的确浓浓酒香，唔错，看似简单实则味道丰富，功夫十足。
最后绿白爽，即系海蜇？爽口几过瘾，味道正常，平时少食呢类食物，普普通通咁噜觉得。
之后有道盐焗香茅海中虾，只只虾都够大只够新鲜。盐焗咸香好够味，最惊喜系每只虾插住的唔系竹签，而系大大条香茅，所以除左普通盐焗味外，仲多左阵香茅味，几特别！
之后到呢味其貌不扬的「橙皮甜酱炆五花腩」。
个样就只系一煲五花楠，但食落原来橙皮同五花楠都好夹，令到原本好肥腻的腩肉变得易入口，清晒成煲五花腩！
荷叶盘龙鳝
有淡淡荷叶香，而鳝肉好弹牙，好有口感，因为我本身麻麻地钟意鳝，所以只食两旧试下，但钟意食既人应该会好喜欢。
阿爷乞衣鸡
正！上菜时会原个泥封的上黎，比你扑下佢，好过瘾。当然，只系象征式，之后都会交番比师傅斩件上枱。
原只本地嘉美鸡，新鲜本地鸡肉质弹牙，鸡味香浓不在话下，而呢个乞衣鸡的泥听解说系酒泥，令鸡肉都入左一啲酒香，味道更加丰富多层次。
食到中后段，鼎爷番左黎，我地有幸同佢合照，佢都问下大家对食物的意见，整体而言食得好味！过程愉快！不过要1000$位实在有点贵，我等普通人家只能尝鲜心态试一次半次了！
182 浏览
0 赞好
0 留言
张贴
