影片
更多
2018-12-08
1167 浏览
系一间好到值得写食评嘅小店。上午睇新闻睇到有好嘢食晚上八点即嚟报到，见到门口排满人，已经感觉店舖口碑一定好好。店员定老板门好落力写单，传菜，执枱，等咗一阵先有姐姐出嚟派号码发。大约等咗20分钟先入座。期间姐姐都出过嚟2次问等待中嘅食客会唔会叫蒸𩠌，叫定做定唔驶等。我第一次嚟其实好多嘢都想试，但见无人叫蒸𩠌，加上自己又并非食到大笨象嘅心情，都拎拎头等到入座先叫其他。价格亲民，令人更想乜都试下。是日例汤皇 $20黑蚊蚊嘅系老火汤，只系记得有龟板，土伏苓同药材，细啖饮好清，大啖就好甘，正正系用料足火候够嘅体现，哩个例汤系我饮过最高层次嘅例汤。👍👍金牌碗仔翅$22跟住出场系相对好”扫街”类嘅碗仔翅，神奇事情系入面嘅鸡丝真系好有鸡味，而汤嘅”结身”程度少不免会想起系生粉水，但佢系特别滑身，仿佛系汤羹一倒入口就自汤滑落食道中，味道当然好和谐。花雕醉鸡(例牌) $35哩个价钱竟然食到软，香，醉，甜，仲有8，9件正常鸡件量，部份嘅皮肉间仲有薄薄啫喱油脂，如果一个人嚟，一份鸡，一碗饭，好美满。卤水猪手 $8/件入咪而唔会太浓，咬落去系满口骨胶原，唯一挑剔系手指罅中间有毛，要咬掉浪费咗蚝汁鸭掌 $6/只汁
上午睇新闻睇到有好嘢食
晚上八点即嚟报到，见到门口排满人，已经感觉店舖口碑一定好好。
店员定老板门好落力写单，传菜，执枱，等咗一阵先有姐姐出嚟派号码发。
大约等咗20分钟先入座。
期间姐姐都出过嚟2次问等待中嘅食客会唔会叫蒸𩠌，叫定做定唔驶等。
我第一次嚟其实好多嘢都想试，但见无人叫蒸𩠌，加上自己又并非食到大笨象嘅心情，都拎拎头等到入座先叫其他。
价格亲民，令人更想乜都试下。
是日例汤皇 $20
黑蚊蚊嘅系老火汤，只系记得有龟板，土伏苓同药材，细啖饮好清，大啖就好甘，正正系用料足火候够嘅体现，哩个例汤系我饮过最高层次嘅例汤。
👍👍
金牌碗仔翅$22
跟住出场系相对好”扫街”类嘅碗仔翅，神奇事情系入面嘅鸡丝真系好有鸡味，而汤嘅”结身”程度少不免会想起系生粉水，但佢系特别滑身，仿佛系汤羹一倒入口就自汤滑落食道中，味道当然好和谐。
花雕醉鸡(例牌) $35
哩个价钱竟然食到软，香，醉，甜，仲有8，9件正常鸡件量，部份嘅皮肉间仲有薄薄啫喱油脂，如果一个人嚟，一份鸡，一碗饭，好美满。
卤水猪手 $8/件
入咪而唔会太浓，咬落去系满口骨胶原，唯一挑剔系手指罅中间有毛，要咬掉浪费咗
蚝汁鸭掌 $6/只
汁比卤水甜少少，但慢慢吮反而仲答真个味，最后系微辣，咸甜味>鸭味>辣味，咁又层次嘅蚝汁，成个菜牌就只系见到系哩味鸭掌出现，妈呀～佢点赚钱呀！
卤水猪蹄 $15
店姐姐介绍我哋食，叫果阵仲以为系猪手类，原来系 无骨猪蹄肉，又淋又入味仲唔肥腻，食到停唔到
虾子猪皮萝卜 $22
清清地嘅间场，一放上枱已经闻到好香虾子味，萝卜清甜唔算好淋，但胜在无渣
韮菜猪肠猪红 $22
又一道大师级水准嘅平民”扫街”菜，猪红除咗有本身味到仲多一阵汤底而来嘅清甜，猪肠更系有猪味无臭味，仲旧旧都切得好公整，将内脏类肉食层次再提升。
卤水蛋 $6
男朋友要求点嘅𩠌，我咬咗一细口，好有蛋味引衬出卤水味。
总括讲，食物超乎所想，超乎所值，希望好快再嚟
张贴
