泰極料理 (已結業)

呢间野系openrice唔系好出名，但去到晚市真系好旺，呢到地头蛇先知既感觉。上次好肚饿，附近又无咩好野食，就排左呢间。等左差唔多十几二十分钟，我问老细可唔可以坐最门口个张无set到櫈既台，佢好亲切咁话你唔介意就得啦（门口有热风又近收银）。我同佢讲我真系好肚饿，佢记住左，到我地有位坐低之后，仲叫姐姐快d帮我地落单，后尾仲同我地讲唔好意思要我地等咁耐，其实都唔系咩要抱歉既事，不过咁样令客人感觉好受欢迎好受重视。anyways纯粹想赞下老细感觉人很好haha入正题，我地叫左两个主菜，一个香叶肉碎炒饭，一个泰式炒金边粉， 三串串烧，同蚝蛋饼。蚝蛋饼好好食，咸甜刚好，外酥内软。蛋味浓，好食。串烧就肉类好食，茄子咬到入面无入到味一般般。两个主菜都几好，正常发挥，量非常之多。我地食到超饱，埋单都系两百头，性价比非常高。会再黎试佢个烤鱼火锅！