夢咖啡館 (已結業)

呢日去西九龙中心行苹果商场，突然发现密集式嘅走廊舖头中竟然发现左入面有间几靓嘅cafe(唔记得影低添)。于是就坐低试下啦，唔太肚饿就叫左个下午茶餐食Blueberry Cheese Cake饮杯叫"美禄恐龙"嘅野;我朋友就叫左瑞士鸡翼饮抹茶牛奶。食物方面味道的确唔错,不过听侍应讲佢地最有特色嘅系窝夫同另一样唔记得左，而饮品方式特别想讲朋友个抹茶牛奶，我饮左一啖，都认同比起平时一般好甜嘅味道，呢杯带较多茶香嘅抹茶牛奶真系洽到好处。另外仲想讲呢度嘅侍应好友善，周围同客人会倾下计讲下笑，抵赞。