影片
更多
2016-05-09
1111 浏览
朋友有coupon特登搭的士黎食。今次叫左加拿大海胆，海胆好大块夹起唔会烂，好新鲜，好浓嘅海水味，一啲都唔腥，海胆味十足。生蚝一打12只，四个品种，可以自由选择。蚝吧入边有成十几款，有几款法国蚝价钱比较贵就要补差价。我哋拣咗美国、澳洲、南非同埋爱尔兰嘅蚝，全部都唔使补差价。全部都系即开即食，好新鲜，有蚝味，有海水味最好食系南非嘅品种，好特别大只得嚟好爽滑。主菜叫咗三个，第一个系白酒煮青口，酒味十足，个汁好creamy，青口都好大只但份量唔太多，三百几蚊有啲贵。煎牛扒系一个惊喜，价钱系一般西餐厅嘅价钱但质素就好好。牛肉有好香好香好香（好重要所以讲三次）口感一流。蘑菇意大利饭系我食过第三好食嘅意大利饭（第一好食𠮶间餐厅已经执咗，第二好食果个大厨系我老公）。蘑菇切到好细粒，融入左意大利饭当中。意大利饭煮到刚刚好，烟烟韧韧唔会好似粥甘。至于个汁，好杰身，份量刚刚好覆盖成个意大利饭。每一啖都好满足，每一粒饭都比个汁重重咁包围住。好食真系好好食，但扣除＄300 coupon，每人都要＄500，地区系平价民居附近地铺，抵唔抵食就见仁见智啦！
朋友有coupon特登搭的士黎食。
今次叫左加拿大海胆，海胆好大块夹起唔会烂，好新鲜，好浓嘅海水味，一啲都唔腥，海胆味十足。
生蚝一打12只，四个品种，可以自由选择。蚝吧入边有成十几款，有几款法国蚝价钱比较贵就要补差价。我哋拣咗美国、澳洲、南非同埋爱尔兰嘅蚝，全部都唔使补差价。全部都系即开即食，好新鲜，有蚝味，有海水味最好食系南非嘅品种，好特别大只得嚟好爽滑。
主菜叫咗三个，第一个系白酒煮青口，酒味十足，个汁好creamy，青口都好大只但份量唔太多，三百几蚊有啲贵。
煎牛扒系一个惊喜，价钱系一般西餐厅嘅价钱但质素就好好。牛肉有好香好香好香（好重要所以讲三次）口感一流。
蘑菇意大利饭系我食过第三好食嘅意大利饭（第一好食𠮶间餐厅已经执咗，第二好食果个大厨系我老公）。蘑菇切到好细粒，融入左意大利饭当中。意大利饭煮到刚刚好，烟烟韧韧唔会好似粥甘。至于个汁，好杰身，份量刚刚好覆盖成个意大利饭。每一啖都好满足，每一粒饭都比个汁重重咁包围住。
好食真系好好食，但扣除＄300 coupon，每人都要＄500，地区系平价民居附近地铺，抵唔抵食就见仁见智啦！
张贴
