鶴亀 (已結業)

呢间野原来新开，同男朋友好肚饿，行过就试下，有得拣沾面同拉面，咁我就拣咗沾面，豚骨汤，另外加左叉烧同糖心蛋，黎到后超足料，个汤底好浓好入味，尤其是个叉烧好好味。超正👍🏻之后又叫咗啲小食，叫咗饺子同芝士年糕，本人超钟意食芝士年糕，平时食开𠮶啲都好溜，但系呢间嘅芝士年糕唔会好溜，口感唔错，下次嚟到必定会再叫！最后同老板倾左阵计，原来佢地啲碗系预早加热左，所以食野食得好慢既我食到最后都系好够热好够温度，加上呢度嘅员工服务态度好好！赞👍🏻👍🏻👍🏻大家可以黎试下