利苑酒家 (創紀之城五期(apm))

营业中

休息中

一直都几钟意食利苑酒家，今日系观塘分店食。环境好靓，可以望到街景。不过侍应态度麻麻，我谂佢哋主要做熟客，所以侍应唔太理我呢啲生面口嘅食客，但系嘢食味道系好食嘅。我哋一大班人叫咗好多嘢食，我最欣赏就系沙溪米鸭、龙虾泡汤饭同埋黄金黄凤尾虾。米鸭好入味，食落口就充满浓浓嘅酒香味，连啲骨都入晒味，非常好食。龙虾泡汤饭系必叫㗎！汤汁好浓味，又鲜甜，而且配埋脆米，非常有口感黄金凤尾虾，有浓浓咸蛋黄味，而且炸得非常香口，啖啖肉，真系好好食！