阿鴻小吃 (已結業)

之前成日都见到知道佢啲卤水鹅好出名但未有机会试，今日终于试到。餐厅入面好多大枱，啱晒一大班人去食。喺门口已经见到ok多人，大家都一边等位一边睇menu同落单，有效率啲。我哋全部都拣套餐A，有卤水鹅片外加一款卤水食物。我要墨鱼，同行嘅人分别嗌牛𦟌、肾同猪颈肉。我个墨鱼无乜味，不过就好爽口唔会韧，反而试咗人哋个牛𦟌觉得好好食，好入味而又唔会太咸。值得一提系佢个辣油好香好正，个墨鱼沾完啲辣油之后好食咗好多。讲返主角鹅片，份量都算ok（大概有五片左右，有啲都切得几厚身）。虽然望落有啲肥，但食落唔肥腻，好腍好易咬。佢下面啲豆腐都几好食。标价$130，但有七折，埋单$91，都算几好，可以再食。