一興粉麵

营业中

休息中

新搬去苏屋邨住既我，当然第一时间睇下周围有咩食啦！见到银龙...心谂有牛什食㖞 但40蚊几一碗真系好唔抵，咁就再行下啦 点知有见到一间牛什粉面铺 名叫一兴粉面。一入去环境几好企理，咁我就叫左碗牛腩河同净云吞！牛腩带啲肥油，香口淋身！当然再试下辣椒油，好香！好有蒜味。问老板有无得买。佢都话我识货 20几就有交收！老板话用左炸蒜 蒜片 野生辣椒炒！廿几蚊抵玩，打边炉又点得。之后云吞就好快上到！皮既厚度还可以，但馅就无偷鸡㖞，成只虾 爽口弹牙 仲食到有大地鱼既味道，所以我会推介大家食云吞，中意食云吞既朋友可以试下。咁就一餐埋单都系60蚊内，几抵食。我平时收夜食宵夜又多一个选择啦，因为原来收凌晨1点 正！