齊柏林熱狗店 (太安樓) (已結業)

疫情被困屋企时突然好想食热狗。是日放工揾到呢间热狗店。睇个样都觉得应该几好食。我已经成九点先黎，竟然仲要排成6个人。太安楼黎讲，佢都真系几好生意。叫左个德国酸菜热狗。唔系Best Seller 黎，但见都夜喇～都系唔好食澳洲同美国呢啲重口味狗。等左十分钟左右。唔知系咪因为饿，惊喜地觉得好好味！个包比想像中软(虽然我会钟意硬啲嘅包), 纽伦堡肠比较细条，但好在唔会好咸，啲酸菜炒过同只狗好衬。最好系啲酱嘅份量刚刚好！竟然无食到周围都系！发现呢间嘢真系大柠乐。迟啲又要黎encore。