影片
更多
2020-11-18
108 浏览
Tamago-EN特制 5款玉子串烧 $68日文餐厅名难读 所以我叫佢嘅英文名Tamago用得餐厅命名嘅选择通常都有返咁上下水平 呢份玉子目测好多枱都有叫 我都唔执输叫返客实物同menu图示一样咁精致 相当吸睛 5款口味分别系蕃茄仔、海藻酱、亲子三文鱼、鳕鱼子沙律、蟹肉 材料放喺竹签穿起嘅方形玉子表面嘅正中央玉子最怕煮得老 试左啖觉得处理得唔错 而且相当有蛋味 冲渑蛋加持似乎真系系唔同啲 你会见menu上嘅推介icon都系只蛋蛋 可以睇得出餐厅对自己用嘅冲渑蛋相当自信玉子有口感有蛋味 啲料都几啱我好味 最钟意鳕鱼子沙律 而三文鱼就由友人代劳 竹签记得要慢慢拎起 避免材料跌落 个人钟意蛋连料一齐食呢份小食唔算小 可以当得上系招牌菜 必食之选Tamago-EN亲子丼 $78又一份以餐厅名命名嘅选择 今次系主食餐牌图示几吸引 望落汁多质 用日本米 可以加钱转set 我就留肚试其他所以无转到碗饭上枱 卖相无餐牌咁靓 好在味道搭救 望落偏干其实亲子丼嘅汁入哂饭度 好食同易入口 滑蛋同鸡肉都咁嫩口 整体嚟讲系一碗唔错嘅亲子丼跟饭仲有只匙羮装起嘅柚子酱 味道系唔错 不过份量太小 如果只系想少少地加一
Tamago-EN特制 5款玉子串烧 $68日文餐厅名难读 所以我叫佢嘅英文名Tamago
用得餐厅命名嘅选择通常都有返咁上下水平 呢份玉子目测好多枱都有叫 我都唔执输叫返客
实物同menu图示一样咁精致 相当吸睛 5款口味分别系蕃茄仔、海藻酱、亲子三文鱼、鳕鱼子沙律、蟹肉 材料放喺竹签穿起嘅方形玉子表面嘅正中央
玉子最怕煮得老 试左啖觉得处理得唔错 而且相当有蛋味 冲渑蛋加持似乎真系系唔同啲 你会见menu上嘅推介icon都系只蛋蛋 可以睇得出餐厅对自己用嘅冲渑蛋相当自信
玉子有口感有蛋味 啲料都几啱我好味 最钟意鳕鱼子沙律 而三文鱼就由友人代劳 竹签记得要慢慢拎起 避免材料跌落 个人钟意蛋连料一齐食
呢份小食唔算小 可以当得上系招牌菜 必食之选
Tamago-EN亲子丼 $78
又一份以餐厅名命名嘅选择 今次系主食
餐牌图示几吸引 望落汁多质 用日本米 可以加钱转set 我就留肚试其他所以无转
到碗饭上枱 卖相无餐牌咁靓 好在味道搭救 望落偏干其实亲子丼嘅汁入哂饭度 好食同易入口 滑蛋同鸡肉都咁嫩口 整体嚟讲系一碗唔错嘅亲子丼
跟饭仲有只匙羮装起嘅柚子酱 味道系唔错 不过份量太小 如果只系想少少地加一份口味 好似放喺丼面嘅中间好啲
士多啤梨梳乎厘班戟 $98
第二次食呢度嘅pancake 翻兜得自然代表有返咁上下质素
自从几年前发现左梳乎厘班戟呢种product就爱上左 周围揾高质pancake 差唔多食遍港九名店 连去日本台湾旅行都特登去当地出名嘅专门店揾
呢间嘅pancake唔算好空气感果种 但充满蛋味 个人觉得pancake本身拍得住一啲专门店 唔通用日本蛋(呢间系冲渑) 真系有加乘
士多啤梨中规中矩 无特别高质 不过切片处理系比起原粒上易入口左 cream落得几重手 三件pancake食完 我都差唔多清哂啲cream 蜜糖就无落太多 因为已经够味唔使加甜
生果系嘅pancake一旧水左右 原味就近$80 喺同类产品中其实一啲都唔贵 性价比高 值得试下
士多啤梨鲜果~自家制芭菲 $55
相对少系餐厅食芭菲杯类甜品 咁啱果刻想食就叫左
同pancake一样 都系拣左我最钟意嘅士多啤梨 卖相色系都系选择当中最少女心
口味上因为钟意士多啤梨所以唔会有错 另外食落唔会太甜太漏 作为饭后甜品浅尝都几适合
同样地 menu都有蛋蛋推介icon 可以一试 虽则如果甜品只能二拣一 我一定要梳乎厘pancake
张贴
