影片
更多
2021-02-21
1336 浏览
呢间啲点心好好食（限食一个小时。鸡球大包超正，劲多肉，个包皮软软地甜甜地好好食，个馅又正有啲菜，又唔会过咸，正😋北菇鸡饭都唔错好食，个鸡好滑，冬菇入晒味好好食，啲饭都蒸得唔错，一粒粒。虾饺正，都系啖啖肉加好薄嘅皮，烟烟韧韧。春蛋烧卖都好食，不过我净系食咗粒鹌鹑蛋之后食唔落，其他唔系我消灭嘅。干蒸烧卖食都冇食过，但据消灭嘅人讲，烧卖唔油腻，爽爽地，蟹籽一粒粒，有嚼头。个鸡扎一流，里面系包金华火腿，鱼肚，芋头，好多馅。茶位五蚊位可以接受，点心又唔会太贵，免加一，好似要自己拣完自己拎上去？我哋系噉样，但应该其实系自己拣完有人帮你拎吧，我唔知。可惜去到已经冇肠粉卖，因为呢间净系蒸一次，一次一大笼，卖晒就冇喇，不过应该都唔好叫肠粉，肠粉唔系即叫即整应该唔会好食到边，要自己落去楼下睇点心（见啲阿姐好似想做咗几台客，不过可以唔使理，慢慢食一个小时唔会有人闹你。我大约三点几再去望一望，发现已经卖晒，睇嚟都几多人帮衬下，想食就要早啲喇，我系大约12点去食。
鸡球大包超正，劲多肉，个包皮软软地甜甜地好好食，个馅又正有啲菜，又唔会过咸，正😋
北菇鸡饭都唔错好食，个鸡好滑，冬菇入晒味好好食，啲饭都蒸得唔错，一粒粒。
虾饺正，都系啖啖肉加好薄嘅皮，烟烟韧韧。
春蛋烧卖都好食，不过我净系食咗粒鹌鹑蛋之后食唔落，其他唔系我消灭嘅。干蒸烧卖食都冇食过，但据消灭嘅人讲，烧卖唔油腻，爽爽地，蟹籽一粒粒，有嚼头。
个鸡扎一流，里面系包金华火腿，鱼肚，芋头，好多馅。
茶位五蚊位可以接受，点心又唔会太贵，免加一，好似要自己拣完自己拎上去？我哋系噉样，但应该其实系自己拣完有人帮你拎吧，我唔知。
可惜去到已经冇肠粉卖，因为呢间净系蒸一次，一次一大笼，卖晒就冇喇，不过应该都唔好叫肠粉，肠粉唔系即叫即整应该唔会好食到边，要自己落去楼下睇点心（见啲阿姐好似想做咗几台客，不过可以唔使理，慢慢食一个小时唔会有人闹你。
我大约三点几再去望一望，发现已经卖晒，睇嚟都几多人帮衬下，想食就要早啲喇，我系大约12点去食。
张贴