茶舍 (儲金閣)

营业中

休息中

近来系咁打风，今日适逢三号风球落大雨，狼狈之际，经过呢间茶舍，决定入去食啲嘢顺手避一避雨。本来都冇谂住食好多，但系佢个Menu又几丰富，所以最后唔觉唔觉都追加叫咗几多嘢🤣先嚟咗杯棉花糖热朱古力，本身谂住都系细粒棉花糖，一嚟到俾佢两粒大大粒吓亲，仲有啲忌廉喺面，卖相满分！味道都唔错，朱古力够香浓追加餐汤系罗宋汤，比起一般茶餐厅要香浓，够哂酸，仲要真材实料有菜有肉，啱晒我！加嘅麻酱沙律啲菜都好新鲜！做前菜开胃一流下一味系跟套餐加嘅柑橘鸡件。初头睇佢细细件仲惊佢炸得好干，点知食落口都有惊喜！腌得几好味又Juicy，面头啲柑橘酱又可以解一解腻！主菜系呢个午市特餐A泰式脆辣鸡堡捞面。其实本身都对午餐冇乜期望，但一上到嚟个卖相同味道都睇得出食得出系有心机嘅，块鸡扒系新鲜炸起，唔系预先整定，脆卜卜热辣辣，个捞面更加有泰式风味唔系普通捞面，我估佢其他嘢都会有返相当嘅水准最后系追加朱古力香蕉蛋糕，都系𠮶句，本身都系无期望茶餐厅会有咩特别，都系谂住尝尝鲜，但又真系估佢唔到又有朱古力味，又有香蕉味，又唔会好甜，入面仲有啲朱古力粒，做呢一餐嘅句号啱啱好！饮饱食醉就刚刚好停雨走得，可能都要多谢呢场令到我误打误撞