胖胖串

营业中

休息中

想食串燒，見OpenRice 有得訂座又有9折，揀咗呢間。坐低見個環境幾光猛，坐得舒服。手機落單，另有紙本Menu，方便閱讀。食物方面，調味剛剛好，唔太鹹。店員亦會先詢問客人辣度要求。全部串燒都睇得出係好用心燒。牛肉豬肉都好好味。紅柳枝羊肉串好有羊味。沙嗲尤其出色。茄子好多肉。海鮮係每日新鮮來貨，所以叫咗啲嚟試吓。魷魚好好味(唔記得咗影相）。扇貝都OK。最後叫咗個本人至愛的芝士年糕，係我鍾意嗰種濃濃嘅芝士而且唔甜，正！整體嚟講，食物質素好！服務好！會再返嚟！