陳茶館芋圓甜品專門店 (黃埔天地第3期百寶坊)

营业中

休息中

最近开心果真系hit到乜咁，所有甜品都离不开开心果，目前为止我都中过伏唔少，又贵又难食。今次我黎黄埔都系因为佢，成碗绿色野仲要有开心果碎真系超吸引！都唔平，要$52。我买𠮶阵只知佢系开心果冇留意其他，直到食𠮶阵先知原来佢有芋圆，真系满足哂我。好惊佢好冻，因为生完B都尽量戒冻野但出奇地佢唔系冰冻嘅偏向室温非常好！甜度唔系死甜，适中，系少甜版，开心果味都出嘅，不过再浓啲就perfect 喇。食开心果粒要小心啲，我啲牙肉俾啲尖尖位整到损左。唯一美中不足系佢啲开心果粒连埋衣一齐搞碎。$52贵左少少因为开心果嘅成本。整体好满意同埋一定会再食，期待佢出多啲开心果嘅甜品。