Antoshimo Cafe & Bakery (Mikiki) (已結業)

懒洋洋既星期一中午，同男人都未食野，决定试下冲绳野。装修环境唔错，唔算好日本😂但都好舒服，当日连埋我地得2台客，我钟意，同埋我钟意佢地有露天位，毛小孩都可以跟埋黎食，香港地好少有架。男人既野菜咖哩鸡肉饭-好细份呀😱男人话得2旧肉，2啖食晒，但佢话好味。男人既抹茶豆乳-抹茶cream好味，杯野就冇乜特别我既雪鱼子意粉-好好味呀，鱼子食落卜卜脆，少少鱼子咸咸地既味，好正呀👍不过都系好细份，最后比我食晒成碟😂我既黑糖柠檬茶-我冇记错我落order时系话：冻柠茶，最后黎左呢杯，可能得一种，个样好似咖啡，冇柠檬响入面，不过好好饮。Lunch下午茶都唔平，不过都好食，下次都会再黎。