大快活

营业中

休息中

平日想食个早餐，去左大快活食。9：30嘅时间都好多人，加上最近限两人一台，可以坐嘅位唔多。买完野食咁岩有个位，好彩。叫左个著饼、咸牛肉蛋、烟肉、鸡扒、辣肉酱面，同埋热奶茶。$47.5份量好多，每样野都热辣辣，新出嘅咸牛肉蛋配搭唔错，上面仲要有薯仔，炒蛋好滑，好好食！烟肉好大块，有一把间尺嘅长度，鸡扒有啲酱。甜甜地，令到鸡扒好易入口。佢个辣肉酱面都系新出，唔太辣，入面仲有啲肉碎，面系即食面嘅质地。鱼柳都好热，炸得好香脆可口，配合埋柠檬，令到鱼柳冇咁干。食完个早餐饱到下昼都唔肚饿，可以悭返餐。环境都好干净，不过好多人好逼，见到有啲人买完野食都揾唔到位。