小點角落 (朗豪坊)

营业中

休息中

想上Muji，所以选择在朗豪坊食晚饭。Footcourt里面继续成朕PepperLunch味，决定拣外围店舖，最终被呢间劲大粒鱼肉烧卖吸引了。叫咗个Set，虾油虾球捞面，可以追加小食，加杯茶包冲茶，68蚊，合理价钱。菜圃虾油捞面，卖点虾头油，虾味一般，虾肉尚算爽脆。面似意粉多啲，有弹力嘅。根餐小食叫咗碗碗仔翅苣蒻面，味道ok，质地偏稠，料多，苣蒻形状质感都似凉皮多过似面。再追加小食墨西哥蕃茄鱼皮。老实讲，鱼皮就一般，但配芝士同墨西哥式莎莎酱咁嘅嘢，又几得意，似食Taco但又冇咁干，值得再试。单点埋最好奇嘅烧卖，真系好大粒，大粒过一般干蒸烧卖。鱼肉有点点像鲨鱼烧卖那种，但又实啲，整体还可以。但呢种份量，其实都不算「小食」了，根本大份过正餐，一个人一碟嘅话饱到第二朝。见有人叫咗跟餐小食咩菜圃烧卖，得两粒，即刻觉得30蚊6粒单嗌抵好多。见隔离枱叫咗封门柳，卖相相当唔错，下次会try try。