深井陳記燒鵝酒家

营业中

休息中

深井比人既第一印象一定系烧鹅，今日衬住周末就梗系要走一转深井啦。唔知系咪临近中秋，陈记都比较多客，即使我地卜左位都需要稍等一会先可以入座。入座后我地就叫𩠌，今次就叫左烧鹅下庄、椒盐鲜鱿、啫啫通菜煲、招牌炒饭同埋例汤。烧鹅下庄虽然比例牌稍贵，不过就保证一定食到髀，陈记烧鹅比起出面烧味档买到既烧鹅唔同，闻起上黎鹅肉味十足，肉与脂肪比例适中，咬落重有一阵油香，而鹅皮烧得红红地咬落重有啲脆口添。另一个必叫既就系啫啫通菜煲，基本上每枱都会柯打，啫啫通菜上枱已经闻到阵阵既咸鱼香，咸鱼茸加通菜味道香浓而不肥腻，绝对系必点推介。其余柯打包括椒盐鲜鱿、招牌炒饭同例汤，同样出色，不枉今次远赴深井一趟。