賀記

营业中

休息中

平日星期二下午大约五点黎到，啲人返工返学，入面无其他客人，室内环境好舒服，可以一个人静静地睇书。嗌咗个杏仁茶炖木瓜。个卖相好靓，有食用花点缀。一黎到个杏仁茶好热，要小小口咁食。 我本身唔特别好杏仁茶，惊有阵奇怪药水味。不过呢个杏仁茶炖木瓜无𠮶阵奇怪药水味，店主解释由纯杏仁整出黎系会无𠮶阵奇怪味。我食到一半，店主拎住个煲走过黎问我系咪唔够喉，又倒啲热杏仁茶落去个木瓜。佢话因为木瓜厚肉，唔够杏仁茶，加上佢又有时间，就畀多啲我好惊喜呀！本身杏仁茶个味道已经好香，连人情味都咁好。个木瓜肉有得自己刮下刮下，同热杏仁茶好配。食完个口腔都仲停留左好香嘅杏仁茶味，原来好食嘅杏仁茶会系咁，我对杏仁茶有啲改观。店主好好人，得闲倾左几句偈。室内环境舒适，卖相吸引，食物味道又好，店主又nice。带畀我一个美好嘅体验，今日放假咁样渡过觉得好满足。