叁不館

营业中

休息中

呢排真系好冻，约朋友食饭都仲系好想打边炉。 朋友介绍话天后有间好正叁不馆。 开头唔系好知佢讲咩，跟住先get到。 佢仲话呢间比得上九龙城，所以大家就一齐黎试下。 一黎到就比佢个舖面吸引，真系好有香港特色，仲要用竹篓装野，好得意。 见佢地既野食又几大众化，唔会好贵。 大家都见咁冻就叫左个花胶鸡汤底，黎到汤同料分开。 店员叫我地可以先饮汤暖身再摆花胶同鸡落去煮。 个汤真系好好味，一啲都唔咸唔味精。 而佢啲鸡同花胶都好鬼足料，好大旧，又够嫩滑。佢啲牛尤其新鲜，唔会好肥或多筋，同九龙城真系有得比。 而且佢既海鲜都好新鲜。 圣子，扇贝都好大件，又冇沙。鱼肉豆卜既鱼肉好香，系新鲜打既口感。 仲有虾酿油炸鬼好大条好少见到咁，仲要有成8旧。 每碟既份量都比想像中多。 呢度真系唔只气氛好，野食都超足料，果然系冇介绍错。