澳門茶餐廳 (已結業)

星期日晚由于太闷,卒之叫左傻鹿陪我在铜锣湾行街,行左一阵,佢话想去吉野家食野,不过我想试下其他店舖,所以来到呢度试下.入到去第一时间已经有位坐,睇左menu一阵,要左咖喱猪扒跟饭,蒜蓉牛油鸡翼拼葡式沙律,冻柠茶同冻啡.饮品上后不久,个猪扒就到了,原来系用瓦煲仔上,一上闻到好浓的香味,个汁算杰,d薯仔唔算多,但好入味,而猪扒系切成一条条的,几易食,个汁好辣,捞饭食好正,可惜太少饭,唔够喉.之后鸡翼上,几香,但无新景整得咁入味,沙律就太少料,几乎唔觉眼.至于杯柠茶都几好饮,普通茶记水准.总结算系物有所值,算高尚茶餐厅,不过比翠华似乎仲要平,若想贪新鲜试新野,呢度系其中一个选择。