恆河咖喱屋 (已結業)

今日去摄太岁，黎之前已经睇定有咩好野食，之但系东大街咁长，2边都系食店，点拣呀叫人😂行完晒成条街之后决定食呢间😂👏Lunch时间未见排队，但都坐满晒人，除左香港人之外仲有2台外国人，我同S先生都系第一次黎，其实呢，我本身唔系好食日本咖哩以外既咖哩，因为印度咖哩好大阵味.....入到去店员都好醒目即刻招呼，有礼貌，我地一个点鸡，一个点牛，都系要小辣，第一次黎唔知辣度，但食落可以要中辣😅原来lunch系跟汤架，今日系莲藕忌廉汤，莲藕打碎晒，黑椒味好浓，好饮wo,仲好香tim,S先生转眼似晒😰咖哩鸡-S先生问点解可以一滴油都冇？系wo,好少食咖哩冇油，仲要鸡wo,点都有d,但呢道冇，鸡仲系冇骨，好滑，好入味，辣度岩岩好，咖哩都好香。咖哩牛牛-同鸡既咖哩唔同，我呢个更加香咖哩味，各有各好味啦，睇个人口味，牛腩好冧，但食到有碎骨，我地都觉得鸡肉好食好多。原味烤饼-哗，真系超级好味😋真系冇谂过咁好食，好松软，好香面粉味，好大一份饼，好够饱，连宇宙黑洞S先生都话饱（哗，咁份量真系好够）其实我想买多几块饼番屋企食😂不过S先生话唔好，会变硬石头😂食紧果阵有2个印度师傅行出黎，难怪咁好食啦。今餐真系好满足