坤記牛腩 (已結業)

对上一次去九龙城可能系十年前喇~ 平时好少机会去呢一区~ 毕竟又唔系住个到，又唔系个到做野，交通又唔系太方便，所以约朋友食饭都唔会特登约佢呢区，就算佢出名泰国菜都系咁话~但最近收到风，原来九龙城变左好多喇~~ 多元化左好多，食物种类愈黎愈多，就黎变成美食特区! 讲到咁夸，就兴起问下住系九龙城既表妹有无咩好推介，顺便叙下旧啦~倾下倾下, 佢介绍左间饭堂~ 话平时放工屋企无煮饭都会去呢间食饭~佢就系 坤 记 牛 腩 喇~~~!!! 唔好以为佢系普通粉面店~ 表妹话佢D 牛腩系世界级，其他地方食唔到架!我唔想食平时食开既汤粉，望望下餐牌，见到佢竟然有咖喱牛腩捞粗面!!! 我真系未食过咁既COMBINATION啊!!!! 好期待!一黎到就闻到咖喱香味，食落好香浓，唔算好辣，个份量多到捞完面都啖啖咖喱! 好正啊>< 牛腩就好瘦~完全唔肥，本身都已经好入味，好易咬开，配合埋咖喱又出奇地夹! 好惊喜啊~~斋食面咁DRY~我地就叫埋个油菜啦~ 菜心香甜，一D都唔苦，好爽口~ 一啖牛腩一啖菜，都唔错啊!! 下次再黎揾表妹既话要试埋汤粉先~