九鬼居酒屋 (耀華街)

营业中

休息中

三连假，紧系要约下人食下好野。行过见到铜锣湾呢间九鬼居酒屋，咁啱唔使等位一于试下，又几好食㖞。头盘先黎个矶煮鲍鱼，煮得够入味，酒味都几香，仲有几粒三文鱼籽。蟹味噌配鳕鱼片同青瓜食，又几正。鸡泡鱼干点芥辣沙律酱，佐酒一楼。主食拣左练梅烤野鸡，微酸既梅味同鸡肉几夹。炸串就食左爽口弹牙既矶煮鲍鱼，几香口既牛舌，肉味重又够淋冇乜筋既牛肩肉，同脆卜卜既鳗鱼。炸粉系用山药黎做，够脆又冇咁热气，食多几串都冇问题啦。最后食埋个关东煮：有竹轮，厚扬豆腐，福袋年糕，同一本食到既一样呀！饮返杯sapporo，食住美食渡过既假期，就系幸福既假期。