華順越南餐廳 (已結業)

跟女友响北角街头兜兜转转，卒之揾到...自乐师收炉后，不断寻找出色嘅越南菜，可惜都系失望居多...知道呢间铺好耐，但却冇机会试，试问无端端点会特登走入嚟食?女友公司搬咗去北角，因利乘便，先有缘相会..布置好家庭feel，平日都有几多人帮衬，唔简单...一坐低望吓menu，见到有檬晓食，即刻叫一个。老板强力推荐法式牛柳粒，自己平时都好少叫呢味，但见佢诚意拳拳，ok la...再加个香露大头虾开边伴蒜蓉饱及马拉盏通菜，直头系盛宴，摆到一枱都系檬晓端上枱时，嗅到一大咲鱼露味，但食落又冇想像中咁浓，有D失望，配料以碎猪肉为主，调味比较清淡，亦唔系我杯茶；蕃茄落得唔够，虾有D酶，唔新鲜...总体嚟讲系水准以下。比上次响老许食嘅有一大段距离...法式牛柳粒兜乱上碟，肉似乎用松肉粉处理过，丧失咗牛肉应有嘅texture，失望，可幸炒得够镬气，补番数..大头虾size比想像中细，膏算多，肉算鲜，反而个汁椰香味仲浓过鱼露味，女友唔太欣赏，而且个汁唔系好够热，再加埋连D蒜茸饱都唔多够热，弊...>.<炒通菜冇乜特别..总体水准仍然系失望嘅，各位唔使好似我咁专登入嚟试嘞...个OK脸系因为张