山田海韓國料理

营业中

休息中

咁耐以嚟好似真系未食过正宗韩国菜，除咗因为先入为主怕泡菜同其他食物辣外，仲觉得可能同平时嘅韩烧差唔多。韩国迷朋友为改变我呢个错嘅谂法，带我嚟到呢间佢成日帮衬，由韩国人主理嘅韩国菜餐厅。去到门口已经闻到阵阵好香嘅烤肉味，餐厅都好宽敞，唔会因为油烟问题局促。一行六人，点咗六样嘢，味道几好，由其酱油蟹好鲜，肉类亦好新鲜。前菜都咁多款，茄中最好味，又淋又入味，间嘅泡菜属bb辣，爽口开胃。套餐：辣海鲜杂锦锅+烤牛肉拼盘(无腌)牛肉雪花平均，入口有油，牛舌都好爽口，腩肉都好新鲜，唔会太肥。上呢个海鲜锅𠮶阵几震撼，排得好靓，滚起后职员细心帮我哋将鲍鱼及青口去壳，八爪鱼剪粒，方便我哋分配。烧肉有蔬菜伴食减少油腻感。海鲜煎葱饼，好香蛋味。炆牛肋骨(配饭)，炆得好淋。酱油蟹，好鲜呀，第一次食咋，个个都赞，连饭团都好好味。