川府宴 (已結業)

前几日同个朋友去开铜锣湾突然好想食川菜，就揾左呢一间上楼嘅四川菜食嘢。餐厅唔系好大，好简单嘅装修，以红色为主好配合川菜嘅风格， 格调亦都比较高级。我哋就点左个鸡丝海蜇＄63 ,葱爆安格斯牛肉＄128 ,仲有半份嘅酸菜石斑鱼＄228。鸡丝同埋海蜇都好新鲜，加左少少嘅麻酱你都唔会太咸，青瓜丝切到好油方便你夹来食？葱爆牛肉，味道有少少似回锅肉，调味唔会过咸，安格斯牛肉好新鲜，可以睇到佢嘅油花好均匀京葱切到个大小啱啱好，食落好有拗口。而最期待嘅主角出场啦，就系呢个酸菜石斑，之前都食过酸菜鱼，但应该唔系石斑做嘅，而呢个就加左半只好大条嘅石斑落去。肉质非常之新鲜应该系活生生咁切落去，酸菜鱼里面有辣椒，薯粉，芽菜，酸菜，酸萝卜，非常之丰富，唔会煮到过熟同过酸。