Mad for Garlic (已結業)

话说见到朋友个度见到块好靓嘅扒。问一问佢究竟系啲乜?喺边度食?贵唔贵?结果佢就同我话唔错~最紧要系钟意食蒜头!!!!! (我同老婆都好钟意食蒜头）所以Weekend就即刻带老婆去啦！环境唔错，服务都唔差，系有两条友嘅招呼奇怪咗啲啰。叫咗佢哋出名嘅garlic bread tower，结果其实都系法国面包上边加咗啲蒜蓉同paprika。卖相老实麻麻哋，个侍应仲问需唔需要影相添⋯我同老婆〇咗咀话＂唔使＂ 7/10分之后叫咗个牛扒porterhouse。一般来讲大家嘅PotterHouse都系好大块嘅牛扒仲要好厚嘅添。结果嚟到𠮶块扒应该同大家乐夜晚𠮶啲差唔多大，味道会好少少，但系真系好咸。啲蒜头其实都系煮咗之后淋上去，冇真系hero佢。之后再叫咗个烂虾炒饭，一啲都唔难，卖相亦都好差⋯放到落枱我同老婆对望左一下，＂唔系啩＂。开始食嘅时候一如所料⋯唔好食，仲要劲咸！为咗唔好嘥野，最后都有食完⋯返到屋企之后同老婆饮咗好多杯水因为劲口渴！