潮福蒸氣石鍋 (已結業)

西餐、日本料理几乎可以话系日日都食，好似都就嚟唔记得蒸嘢食系乜味道啦，今日本来霖住行落楼下街市随便买一两个𩠌煮下饭就搞掂一餐啦，点知下昼姨婆竟然突然间打电话过嚟，话夜晚要同我地一齐食，仲话要介绍个朋友俾我识，好啦，为咗配合老人家口味，去咗潮福。。。。呢个时间可能比较早，入去都无乜人，仲好，可以随便拣位啦~入边嘅环境就有啲似普通嘅茶楼，不过每张台上边都多咗一个蒸炉！ 餐牌上边都几多野食，最好嘅系佢嘅餐牌会写明俾你睇，每一样菜所需要蒸嘅时间！！ 蛏子皇蒸完之后加少少沙茶酱真系好正，虽然姨婆佢地话原汁原味唔点酱最好食，不过我都系好难接受到一样野食无味~！ 猪肉丸，咬落去好弹牙！！杂菇，入边最钟意嘅系金针菇！！食材都洗得几干净。当然最重要系唔使自己动手蒸，会有专人服务啦！