影片
更多
2008-12-04
11月份帮衬过两次：第一次系周末，住宝琳站的街坊都知逢周末新都成1-3期各大酒楼有几 "虚陷"啦。推著小狗好不容易见到有门口位就飞埋去，两位唔该。郭小姐勉强的笑一下就给那张抬我们。看了menu就order两个set dinner... 由于坐得很近他们落单的order machine，等食物时就听到员工爆晒粗，都系因为工作挂...，但对于客人来说就几影响啦，边食边听你地"炒虾拆蟹"。食物终于到啦，时间都ok，order的set dinner 系牛柳 同 一个松露汁意粉。quality算系好；但因坐在路口，所以食埋甜品 (not too special) 就拿拿声松人。第二次系平日，同老婆放工都夜啦，8点九返到宝琳，想起佢地个menu好似几多野未试过，于是又再去。眼见客人小猫三几只，所以入坐时就话想坐卡位， waiter姐姐话，六人抬黎架，唔好意思，你们都系坐两位抬啦...，我地话，但系宜加都无人等位，咁多卡位...，姐姐重申一次她们的立场! 吹涨。谂著算啦，来食野又唔系来 "圾气"，就点了大大个印在table mat那set 黑松露牛柳野菌饭同两个小食，a)瑞士鸡亦，b)豆士鲮鱼油墨菜
第一次系周末，住宝琳站的街坊都知逢周末新都成1-3期各大酒楼有几 "虚陷"啦。推著小狗好不容易见到有门口位就飞埋去，两位唔该。郭小姐勉强的笑一下就给那张抬我们。
看了menu就order两个set dinner... 由于坐得很近他们落单的order machine，等食物时就听到员工爆晒粗，都系因为工作挂...，但对于客人来说就几影响啦，边食边听你地"炒虾拆蟹"。
食物终于到啦，时间都ok，order的set dinner 系牛柳 同 一个松露汁意粉。quality算系好；但因坐在路口，所以食埋甜品 (not too special) 就拿拿声松人。
第二次系平日，同老婆放工都夜啦，8点九返到宝琳，想起佢地个menu好似几多野未试过，于是又再去。眼见客人小猫三几只，所以入坐时就话想坐卡位， waiter姐姐话，六人抬黎架，唔好意思，你们都系坐两位抬啦...，我地话，但系宜加都无人等位，咁多卡位...，姐姐重申一次她们的立场! 吹涨。
谂著算啦，来食野又唔系来 "圾气"，就点了大大个印在table mat那set 黑松露牛柳野菌饭同两个小食，a)瑞士鸡亦，b)豆士鲮鱼油墨菜锅，两者都ok，a)的鸡亦太大只啦，得3只，情愿细只d比够5只仲好啦。
讲番个黑松露牛柳野菌饭，卖相靓，差d拔出手机影番张。饭身和汁份量味道好，块牛柳*呢？精彩啰...，首先，用刀切唔开，于是怀疑系把刀太钝；叉起块牛柳*用原始人方式，尝试用牙去bite，都系失败，老婆话，唔系挂，收成80几蚊，无理由，等我试下...，都系一样。
于是就叫waiter姐姐埋来，点知又系头先唔比我地坐卡位那个。唉，同佢讲话块牛柳好韧，切唔开，bite唔入，佢话：无理由㖞，无可能格，系唔系生得滞呀？客话生得滞整熟d就试过(我心谂，落order又唔见你问人要煮几成熟？)，我地话真系架，d 饭ok，只系块野真系唔得㖞，拿你睇，两块我地都无食过...，佢好无奈地说：咁，要唔要煮熟d呀？(大佬呀，咁韧关熟唔熟屁事咩)。我地话，唔要啦，都唔系因为生得滞个d韧，而系块肉根本就系唔掂，(你真系当人未食过牛柳咩) 转第二款得唔得呀？佢免为其难咁话好啰，(换左个甚么带子xx饭，心谂实稳阵...有下文)。隔一阵，走过来话，同厨房反映左啦，半句sorry或者唔好意思都无讲，大佬呀，家阵个市好好咩，驶唔驶我教你点keep客呀，大姐。
甚么带子xx饭黎啦，一如个黑松露牛柳野菌饭*，卖相甚靓，叉粒带子试下先，咦，淡谬谬...老婆话点味呀，叉旧比佢试，即刻贬咀。唉，算把啦。
结果：列入black list。希望老板认真检讨你们是否用心去经营，地点无问题，在将军澳住的家庭消费力一点也不低，只要你能否提供贴心和合理质素的食物，保证你好似聪嫂甜品咁，晚晚门口排晒队。仲要勤力d去review员工态度，唔信试下揾老友办客，你就知道事实了。
*：这个餐应该叫做黑松露"牛筋"野菌饭
张贴