漁港薈 (已結業)

话说铜锣湾地标百货公司做大减价，太座要去血拼，拼完当然系要食嘢补充返，行过隔离门口见到好多人派传单，原来有好多食店喺楼上，姐姐话呢间新开嘅叫我地试吓，又好!地方唔大但好骨致，大玻璃望到外面轩尼斯道，新开地方清洁企理，职员好细心讲解餐牌同优惠，又好!我两点咗个晚市A餐，先嚟“鲍鱼虫草花炖鸡脚”，饮得出绝无味精 ，汤渣都食哂!“黄金川辣炒蟹”超惹味的配搭，又唔算太辣，啱我食辣嘅级数!“红烧妙粉乳鸽”我经常讲烧味必要趁热食先好味，一上枱就食只鸽髀先，嫩滑无比，一人半只刚刚好!终于到蒸气火锅，拼盘有大鲍鱼、蛏子、带子、海虾、甜贝同埋多宝鱼片，火锅只要材料好，蒸嘅时间掌握得好就会好味道，仲有专人负责，唔会蒸过钟，又好!“安格斯手切肥牛”千万不要蒸太熟，刚刚好就会肉汁丰富有小小咬口，正!最尾嘅“粗粮拼盘”好特别，估唔到碗“绿豆沙”用嚟做总结真系有画龙点睛嘅效果!